Rabu, Maret 31, 2010

Wewangsalan

Ngiring Ajegang Budaya Baline antuk: Melajah Wewangsalan.
wewangsalan  kruna linggane ’ wangsal ‘ artinipun:  “lampah”, polih pengiring “an” dados “wangsalan” kadwipurwayang dados “ Wewangsalan “ artinipun : Lelampahan separipolah kalih kahanan jadma, sekadi sesimbing sane sada pedes suksemanipun. Wewangsalan yening keartiang ring bahasa Indonesia manut sekadi Tamsil. niki contoh nyane :
  • Dije Kacang ditu komak , dije pejang ditu jemak
  • be lele mewadah kau, sube jele mare tau
  • clebingkah beten biu gumi linggah ajak liu, jelema ngendah ajak liu
  • suba bawang buin tambusin, suba tawang buin tandruhin
  • suba kau buin suluhin, suba tau buin tandruhin
  • Prakpak balok anggon sundih, awak belog ngaku ririh
  • rempeyek kacang ijo, yadin jelek masih kanggo
  • suba klungah buin manduri, suba pongah buin juari
  • Galungan Kuningan sate kuwung sate babi, aturang uningang tiang buung dadi rabi
  • Masuksuk ngabe pales, Bilang masuk kereng pules
  • Pales rajah adi golok, males melajah dadi belog
  • Goak memaling taluh, satua bawak tuah amonto
  • Don sente don pelendo, ade kene ade keto
Niki malih contoh wewangsalan sekadi ring sor:

  • Jukut gedang apulungan, Sara ledang pakayunan.
  • Jempiit batan biu, Ngejengit ajaka liu. 
  • Ngaba pales ajaka tali, suba males kereng melali. 
  • Gamongan kladi jae, Omongan dadi gae.
  • Gonda godeg bakat kukur, Goba jegeg baan pupur.
  • Jero gede jero luh, Suba gede ada nguluh. 
  • Ngalih sampi galang bulan, Ngalih bati kilangan kamulan. 
  • Ngabe pales bareng guun, Suba males kereng nurun. 
  • Ngabe gonda keetan bulih, Ngaba Onda baan nyilih. 
  • Punyan dagdag lusuh-lusuh, Awak degag ngelah musuh.
  • Sintok masui batu, Asing getok magedi malu. 
  • Asep menyan majaegau, Nakep lengar aji kau.
  • Ada tengah masui kaput. Ada keneh mamunyi takut. 
 
Inggih amuniki dumun lanturan wewangsalane sekadi ring sor, dumugi sida mawiguna.

Related Articles



2 komentar:

bliyanbelog mengatakan...

heheheheh....

tambah malih conto-conto ne bli...

banner sampun pasang tiang!!

putrasekarbali mengatakan...

@bliyanbelogInggih bli mudah-mudahan sida antuk titiang nagingin pinunas bli, suksema taler link blog titiang sampun ke pasang link blog bli

Poskan Komentar

Terima kasih, komentar anda sangat berarti bagi Blogputrasekarbali. Isi pendapat anda tentang blog ini di Testimoni.

Link Sahabat Putrasekarbali

BANNER SAHABAT

Buat Sobat yang mau pasang Banner di sini, silahkan tinggalkan alamat banner anda di buku tamu atau di kolom komentar blog ini, buat yang sudah pasang bannernya disini, terimakasih dan salam persahabatan dari Putrasekarbali


BLOGPUTRASEKARBALI © Putrasekarbali Melajah Ngae blog, pang sing orahange blog, nu masi blog